Vørunr. Vørunavn Eind Mynd Goymsla Prísur v/MVG

Størv

Goymslufólk til KEMILUX

Ert tú framsøkin, ábyrgdarfull/ur og effektiv/ur?

Vit leita eftir einum goymslufólki, at byrja skjótast til ber.

Uppgávur

Tín høvuðsábyrgd verður at skipa inn- og útgangandi vørur og at avgreiða annað fyrifallandi arbeiði, saman við goymslutoyminum.

Goymslan hjá KEMILUX fevnur um eginframleiðslu, handil og non-food heildarveiting til flestu vinnuøkini í landinum.

Vit vænta, at tú

  • hevur royndir innan goymslu og goymslustýring
  • brennur fyri at veita eina góða kundatænastu
  • ert arbeiðssamur/som og dugir væl at samstarva
  • ert røkin og álítandi
  • ert før/ur fyri at arbeiða sjálvstøðugt og taka avgerðir
  • hevur koyrikort
  • trukkkoyrikort hevur fyrimun

Vit bjóða tær

  • eitt fjølbroytt og áhugavert starv
  • starvsfólkaágóðar
  • eitt livandi arbeiðsumhvørvið, við einum positivum felagsanda

Løn og setanartreytir eru sambært avtalu.

Arbeiðsstaður er har, ið rakstrardeildirnar eru savnaðar; á Hjalla 14.

Umsókn

Tú søkir við at senda umsókn til sølu- og goymsluleiðara, Andreas F. Hansen á teldupost ah@kemilux.fo.

Hevur tú spurningar til starvið, kanst tú seta teg í samband við Andreas F. Hansen, á tlf. 21 43 45.

Um okkum

Kemilux er einasta sápuframleiðsla í Føroyum. Samtakið hevur fulla virðisketu í framleiðsluni, sum framleiðir yvir 30 vaski- og sóttreinsanarvørur, bæði til vinnuna og detailmarknaðin. Sølan av eginframleiðslu fevnir yvir 8 ymiskar marknaðir.

Kemilux hevur framleiðslu, laboratorium, bókhald og høvuðssæti á Mykinesgøtu 1. Rakstrardeildirnar fevna um handil, sølu og goymslu, og hava bústað á Hjalla 14.

Umframt eginframleiðsluna, er Kemilux heildarveitari til reingerðarvinnuna og framleiðsluvinnur annars. Eisini umboða vit arbeiðsklæðir og nógv annað til allar vinnuøkir og privata marknaðin.