Størv

Starvsfólk til framleiðsluna hjá Kemilux

Vit sóknast eftir einum dugnaligum og ágrýtnum starvsfólki til framleiðsluna

Framleiðslan hjá Kemilux framleiðir sápur og reingerðarevni til húsarhald, stovnar og virkir. Vørurnar verða seldar í Føroyum og uttanlands. Inn- og útgangandi vørur verða avgreiddar hvørja viku, eins og tað at blanda í tangar er upp til fleiri ferðir um vikuna.

Høvuðsuppgávur

Høvuðsuppgávan verður at framleiða sápu í tangar, ið eru millum 1.000 og 10.000 litrar. Umframt hetta kemur tú eisini at hava ábyrgdina av inn- og útgangandi vørum; og at pakka vørur, sum skulu inn og úr goymlsuni. Av teirri orsøk er neyðugt at tú hevur trukkoyrikort.

Ítøkiliga fevna arbeiðsuppgávurnar um:

• framleiðslu av sápu
• halda gott skil á goymsluni
• viðlíkahald av tangum og maskinum

Førleikakrøv

Tað er ynskiligt, at tú hevur royndir innan goymslu, og at tú hevur trukkloyvi, men hetta er ikki ein treyt. Tó er týdningarmikið, at tú ert nærlagdur í tínum arbeiði, og at tú eisini hevur áhuga í at skapa ordan og at halda skil á.

Persónligir eginleikar

Vit ynskja at tú er ein fleksibil og jaligur viðspælari í gerandisdegnum, og at tú brennir fyri at fáa tað at koyra, soleiðis at vit kunnu røkka tí bestu framleiðsluni. Eisini er týdningarmikið at tú ert ein støguður og álítandi persónur, sum brennir fyri at arbeiða í eini serligari framleiðslu í føroyskum høpi.

Løn og setanartreytir

Løn og setanartreytir sambært avtalu partanna millum.

Nærri upplýsingar um starvið, fáast við at venda sær til Dávur Restorff Hansen á tlf. 662028, ella við at senda ein teldupost til: davur@kemilux.fo. Víst verður eisini til heimasíðuna hjá Kemilux: www.kemilux.fo.

Umsókn

Umsókn og onnur viðkomandi skjøl skulu sendast við telduposti til: davur@kemilux.fo. Umsóknarfreistin er fríggjadagin 2. juli 2021 kl. 12:00, og allar umsóknir verða viðgjørdar í trúnaði.

Um okkum

Í 1965 fór Kemilux undir at framleiða sápu. Høvuðsendamálið var at nøkta reingerðartørvin hjá teimum ymisku kundunum. Í dag framleiða vit sápur og reingerðarevni til húsarhald, stovnar og virki. Ein stórur partur av okkara framleiðslu fer til útflutnings. Eisini selja vit vaski- og reingerðarútbúnað, arbeiðsklæðir og pakning til vinnulívið. Í kemilux starvast í alt 28 starvsfólk og í framleiðsluni starvast 7 starvsfólk.