Vørunr. Vørunavn Eind Mynd Goymsla Prísur v/MVG


Kemilux keypir meirilutan

Kemilux keypir meirilutan av Maskinhandilin Sp/f í Saltangará

 

Maskinhandilin, sum Skálafjarðar Málingahandil Sp/f við Hilmari Nielsen saman við Niels Jacob Nielsen og Petur Olaf Rasmussen higartil hava átt, hava í dag gjørt avtalu við Kemilux P/F.

 

Avtalan merkir, at Kemilux P/F í dag er vorðin meirilutaeigari í Maskinhandlinum Sp/f í Saltangará, meðan Skálafjarðar Málingahandil framyvir verður minnilutaeigari.

 

Debes Petersen, stjóri í Kemilux P/F og nú eisini stjóri í Maskinhandlinum Sp/f sigur, at Maskinhandilin passar væl inn í framtíðarætlaninar hjá Kemilux, har handilin røkkur vinnukundum og privatkundum kring alt landið. 

 

Maskinhandilin er ein fyritøka, sum hevur havt eitt dygdargott vøruúrval og eina góða tænastu í Eysturoynni.  Vit ynskja at økja og betra um vøruúrvalið, eisini við vørum frá Kemilux, umframt at vit ynskja at betra okkara tænastu til kundar kring alt landið.

 

Í næstum kemur Maskinhandilin at seta nýggjan handilsleiðara, sum saman við leiðsluni skal menna um framtíðar úrvalið og tænastustøðið hjá handlinum.